ក្មេង ស្រីរងគ្រោះម្នាក់នេះមានឈ្មោះ Audrey Pottsអាយុ ១៥ឆ្នាំ បានធ្វើអត្តឃាតដោយការចង.ក កាលពីពេលថ្មីៗនេះ បន្ទាប់ពីផុងខ្លួននៅក្នុងពិធី ជប់លៀងមួយនៅផ្ទះមិត្តភ័ក្តិ ក្នុងរដ្ឋកាលីហ្វ័រនី ញ៉ាខាងជើង សហរដ្ឋអាមេរិក។
បើតាមការអះអាងពីមន្ត្រីប៉ូលិសបានឲ្យដឹងថា ក្មេងស្រីម្នាក់នេះបាននិយាយកាលពីនាង នៅរស់ថា ក្មេងប្រុស៣នាក់ដែលនាងធ្លាប់ ស្គាល់ជាយូរមកហើយនោះ បានសម្រាត សម្លៀកបំពាក់របស់នាងអស់ពីខ្លួន រួចពួកគេ ធ្វើសកម្មភាពចាប់រំលោភបូកមកលើរូបនាង ដោយមិនខ្លាចរអានឹងសំណាញ់ច្បាប់បន្តិច សោះឡើយ។ នាងបានអះអាងទៀតថា មិន តែប៉ុណ្ណោះទេ ពួកគេថែមនាំគ្នាគូរលើផ្នែក សំខាន់ៗនៃរាងកាយរបស់នាង និងយកទូរស័ព្ទពី ថតសកម្មភាពចាប់រំលោភទៀតផង។
នាង Audrey Pottsបានសរសេរនៅក្នុង Facebookផ្ញើទៅកាន់មិត្តភ័ក្តិម្នាក់ថា “នៅយប់នោះ ខ្ញុំអត់បានដឹងអ្វីទាំងអស់ ព្រោះតែស្រវឹងស្រា ជោកជាំ ហើយខ្ញុំយំ និងឈឺចិត្តយ៉ាងខ្លាំង បន្ទាប់ដឹងពីទង្វើដ៏ថោកទាបរបស់អ្នកទាំង៣នោះ”។
ឪពុករបស់បាននិយាយថា លោកពិតជា មានការសោកស្ដាយណាស់នឹងការស្លាប់ ដោយអាសាបង់របស់កូន ស្រីលោក។ លោក បានបន្តទៀតថា នាងគឺជាក្មេងគួរឲ្យស្រឡាញ់ ម្នាក់ ហើយស្អាតថែមទៀតផង មានមិត្តរួម ថ្នាក់ច្រើនណាស់ ដែលស្រឡាញ់ចូលចិត្តនាង។
លោក Robert Allard ដែលជាមេធាវីការពារក្តីឲ្យគ្រួសារក្មេងស្រីរងគ្រោះ បានធ្វើការប្តឹងផ្តល់ក្មេងប្រុស៣ នាក់នេះទៅ តុលាការកំពូលស្រុកសាន់តាក្លារ៉ា ពីបទចាប់ រំលោភសេពសន្ថវៈ បង្ខូចកេរ្តិ៍ និងបទចោទ ប្រកាន់ជាច្រើនករណីទៀត ព្រមទាំងបណ្តឹង ទាមទារជំងឺចិត្តផងដែរ។បច្ចុប្បន្នតុលាការបានធ្វើការចោទ ប្រកាន់ពួកគេពីបទរួមគំនិតគ្នាចាប់រំលោភ សេពសន្ថវៈ និងចែកចាយ រូបអាសអាភាសរបស់ក្មេងស្រី៕
ប្រភពពី កម្ពុជាថ្មី
