សូមបញ្ជាក់ជូនដែរថា កាលពីថ្ងៃទី២៨ ខែមីនា ឆ្នាំ២០១១ លោក ទូច គង្គា បានប្ដឹងលោក សយ សុភាព ទៅអយ្យការអមសាលាដំបូងរាជធានីភ្នំពេញ ពីបទបរិហារកេរ្ដិ៍ និងបទប៉ះពាល់ដល់ការឆ្លើយឆ្លងតាមលិខិត “សារអេឡិចត្រូនិច” ដោយទាមទារជំងឺចិត្ដពីលោក សយ សុភាព ស្មើនឹងទឹកប្រាក់ចំនួន៥.០០០“ប្រាំពាន់” ដុល្លារអាមេរិកថែមទៀតផង ។
ដោយឥទ្ធិពលរបស់លោក សយ សុភាព ខ្លាំងមហិមាក្នុងនាមជាថៅកែកាសែតដើមអម្ពិលផង ជាអ្នក វិភាគព័ត៌មាននៅស្ថានីយ៍ទូរទស្សន៍បាយ័នរបស់កូនស្រីសម្ដេចនាយក រដ្ឋមន្ដ្រីផង និងជាអ្នកទទួលចំហាយ អំណាចពី“សម្ដេចតេជោសែន” បុរសខ្លាំងនៃកម្ពុជាផង ទោះបីមានបណ្ដឹងរបស់លោក ទូច គង្គា បែបនេះ ក្ដី ក៏ចៅក្រមស៊ើបសួរសាលាដំបូងរាជធានីភ្នំពេញ មិនហ៊ានចេញដីកាឃុំខ្លួនលោក សយ សុភាព ដែលជា ជនត្រូវចោទនៅតុលាការនោះទេ ហើយក៏ត្រូវបានចៅក្រមជំនុំជម្រះសាលាដំបូងរាជធានីភ្នំពេញ សម្រេច ឱ្យលោក សយ សុភាព ជាជនជាប់ចោទបានរួចផុតពីបទចោទប្រកាន់ថែមទៀត ។ ប៉ុន្ដែការសម្រេចរបស់ សាលាដំបូងរាជធានីភ្នំពេញ ត្រូវបានលោក ទូច គង្គា ជាដើមបណ្ដឹងរដ្ឋប្បវេណី ដាក់ពាក្យបណ្ដឹងទៅសា លាឧទ្ធរណ៍បន្ដទៀត ទើបបង្កើតបានជាសំណុំរឿងព្រហ្មទណ្ឌលេខ៣៥៧ ចុះថ្ងៃទី២៣ ខែមេសា ឆ្នាំ២០១២ របស់សាលាឧទ្ធរណ៍ រហូតមកទល់នឹងពេលបច្ចុប្បន្ននេះ (សូមចូលអានគេហទំព័រសារព័ត៌មានដើមត្នោត ចុះផ្សាយថ្ងៃទី២៣ ខែកក្កដា ឆ្នាំ២០១៣បន្ថែម) ។
ការប្រកាសសាលដីការបស់សាលាឧទ្ធរណ៍នៅវេលាព្រឹកនេះ គឺបន្ទាប់ពីការិយាល័យធ្វើការកាសែតដើមអម្ពិលរបស់លោក សយ សុភាព ត្រូវបានអគ្គិភ័យឆាបឆេះខូចខាតនូវអគារអស់ចំនួនពាក់កណ្តាល និងសម្ភារៈមួយចំនួនទៀត ដូចជាកុំព្យូទ័រអស់ចំនួន១១គ្រឿង កាលពីវេលាទៀបភ្លឺឈានចូលថ្ងៃទី០៤ ខែសីហា ឆ្នាំ២០១៣ម្សិលមិញ ។
ពាក់ព័ន្ធនឹងរឿងរ៉ាវលោក សយ សុភាព គ្រប់ករណី ត្រូវបានប្រិយមិត្ដនៃបណ្ដាញព័ត៌មានសង្គមហ្វេសប៊ុក“Faecbook” ដ៏ពេញនិយមនៅកម្ពុជា នាំគ្នាចងចាំទុកមិនភ្លេចទាល់តែសោះ ដោយសារការចុះផ្សាយព័ត៌ មានរបស់កាសែតដើមអម្ពិល និងការវិភាគព័ត៌មានរបស់បុរសរូបនេះនៅក្នុងប៉ុស្ដិ៍ទូរទស្សន៍ បាយ័នត្រូវបាន អ្នកលេងហ្វេសប៊ុកចោទប្រកាន់ថា មានភាពលម្អៀង ខ្វះភាពការពិតត្រឹមត្រូវផង និងដោយសារលោក សយ សុភាព ត្រូវបានអ្នកលេងហ្វេសប៊ុកបញ្ជាក់ថា ធ្លាប់បាននិយាយអះអាងថា ឯកឧត្ដម សម រង្ស៊ី ប្រធានគណ បក្សសង្គ្រោះជាតិ មិនអាចមានលទ្ធភាពវិលចូលស្រុកវិញបាន ប៉ុន្ដែបើឯកឧត្ដម សម រង្ស៊ី អាចវិលចូលស្រុក វិញបានមែននោះ គឺលោក សយ សុភាព នឹងកោរត្រងោល ។ ឥឡូវ ឯកឧត្ដម សម រង្ស៊ី បានធ្វើមាតុភូមិ និវត្ដន៍មកដល់ព្រះរាជាណាចក្រកម្ពុជាមានរយៈពេល១៥ថ្ងៃហើយ តែលោក សយ សុភាព មិនទាន់បាន គោរពពាក្យសម្ដីរបស់ខ្លួនធ្វើការកោរត្រងោលនៅឡើយ ។
គួរររំលឹកបន្ដិចដែរថា វត្ដមានរបស់លោក សយ សុភាព នៅការិយាល័យបោះឆ្នោតសាលាបឋមសិក្សា វត្ដសន្សំកុសល សង្កាត់បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី២៨ ខែកក្កដា ឆ្នាំ២០១៣ ដែល ជាថ្ងៃបោះឆ្នោតជ្រើសតាំងតំណាងរាស្ដ្រនីតិកាលទី៥កន្លងមក បានទទួលរងការជេរប្រទេចបរិហាររិះគន់ ធ្ងន់ៗ និងយ៉ាងចំៗពីប្រជាពលរដ្ឋអ្នកបោះឆ្នោត ដោយហៅលោក សយ សុភាព ថា ជាអ្នកវិភាគព័ត៌មាន ពីសទៅខ្មៅ ព្រមទាំងបានចោទជាសួរថា “តើពេលណាទើបកោរសក់?”ចេញពីមាត់របស់ប្រជាពលរដ្ឋ អ្នកបោះឆ្នោតដ៏ច្រើនកុះករ(សូមចូលអានគេហទំព័រសារព័ត៌មានដើមត្នោត ចុះផ្សាយថ្ងៃទី២៨ ខែកក្កដា ឆ្នាំ២០១៣បន្ថែម) ៕
ប្រភពពី ដើមត្នោត
