មានហេតុការណ៍ដ៏គួរអោយភ្ញាក់ផ្អើលមួយ ដែលធ្វើអោយមានការភ្ញាក់ផ្អើល និងធ្វើការរិះគន់យ៉ាងខ្លាំងពីសំណាក់អ្នកប្រើប្រាស់បណ្តាញសង្គម ហ្វេសបុក និងអ្នកដែលបានទស្សនា ដោយពួកគេបានឃើញអ្នកកាន់កាមេរ៉ាថតកំពុងសម្ភាសជាមួយនឹងជនពិការ ម្នាក់ដែលកំពុងធ្វើស្រែ ក៏ស្រាប់តែមានកសិករម្នាក់ទៀតបានដួលប្រកាច់ក្នុងវាលស្រែនោះ។
រឿងចម្លែកដែលបានកើតឡើងនេះគឺក្នុងអំឡុងពេលដែលអ្នកកាន់កាមេរ៉ា ម្នាក់បានថត និងសម្ភាសកសិករម្នាក់ជាជនពិការ ពេលនោះក៏ស្រាប់តែមានបុរសម្នាក់ទៀតដែលនៅក្បែរនោះ បានដួលក្នុងថ្លុកវាលស្រែ ហើយមានអាការៈញ័រដៃជើង។
បន្ទាប់មកអ្នកកាន់កាមេរ៉ាក៏ស្រែកក្នុងន័យបញ្ជាអោយអ្នកដទៃជួយ ទាញគាត់ចេញពីស្រែទៅដាក់លើភ្លឺស្រែ ជាហេតុធ្វើអោយអ្នកទស្សនាមានការខឹងសម្បារជាមួយនឹងអ្នកកាមេរ៉ាថត ដោយពួកគេចោទប្រកាន់ថា “ហេតុអ្វីអ្នកថត មិនទុកកាមេរ៉ាមួយអន្លើសិន ដើម្បីទៅជួយគាត់ ហើយគិតតែពីស្រែក”។
ប៉ុន្តែរហូតមកទល់ពេលនេះគេនៅពុំទាន់ដឹងពីមូលហេតុពិតប្រាកដ ពីការដួលប្រកាច់របស់បុរសជាកសិករនេះនៅឡើយទេ ដោយអ្នកខ្លះបានអះអាងថាមានស្កន់ជាន់៕
ប្រភពពី happy Cambodia
ប្រភពពី happy Cambodia
