បើតាមប្រភពព័ត៌មានពីមជ្ឈដ្ឋានអ្នកសិល្បៈមួយចំនួនបាននិយាយ បង្ហាញឲ្យដឹងថា បុរសពោះម៉ាយដែលពិធីការិនីវ័យក្មេងកញ្ញាជីជីកំពុងតែមានទំនាក់ ទំនងមនោសញ្ចេតនាជាមួយនេះមានវ័យប្រមាណជាង៤០ឆ្នាំជាអ្នកមាន ឥទ្ធិពលម្នាក់លើការងាររបស់នាងនៅស្ថានីយទូរទស្សន៍ប៉ុស្តិ៍ស៊ីធី អិន។ ប្រភពបានទម្លាយឲ្យដឹងទៀតថា តាមពិតបុរសម្នាក់នេះបានតាមស្រលាញ់កញ្ញាជីជីអស់រយៈពេលជាយូរ ក្រែលមកហើយដោយរឿងនេះកញ្ញាជីជីក៏បានដឹងដែរ។
ផ្អែកតាមប្រភពព័ត៌មានពីបុគ្គលិកដែលបម្រើការងារនៅប៉ុស្តិ៍ ទូរទស្សន៍ស៊ីធីអិនក៏បានបង្ហើបឲ្យដឹងដែរថាក្នុងរយៈពេលកន្លងមក កញ្ញាជីជីហាក់មិនបានបង្ហាញពីទឹកចិត្តស្រលាញ់របស់ខ្លួនឲ្យបុរស ម្នាក់នោះបានដឹងទេ ព្រោះបើតាមដឹងគឺដោយសារនាងមិនចង់ឲ្យមានឈ្មោះជាប់ជំពាក់ក្នុង រឿងមានស្នេហាត្រីកោណ។ ប្រភពបន្តថា ប៉ុន្តែចាប់តាំងពីបានដឹងថាបុរសរូបនោះបានធ្វើការលែងលះជាមួយ អតីតភរិយាបានដាច់ស្រេចកាលពីពេលកន្លងមកថ្មីៗនេះរួចមកគេឃើញ ចំណងមនោសញ្ចេតនារវាងបុរសម្នាក់នោះជាមួយនឹងកញ្ញាជីជីហាក់មាន សភាពកាន់តែស្អិតល្មួតគួរឲ្យកត់សម្គាល់។
ប្រភពនិយាយថា ក្នុងមួយរយៈពេលថ្មីៗនេះគេឃើញបុរសរូបនោះហាក់បានកំពុងបង្ហាញពី ការយកចិត្តទុកដាក់និងនៅកៀកកិតជាមួយពិធីការិនីរាងតូចច្រឡឹង កញ្ញាជីជីសម្បើមណាស់ដោយក្នុងនេះមានទាំងការចូលក្លិបកម្សាន្តជា មួយគ្នាជាញឹកញាប់និងការចាំជូននាងវិលត្រលប់ទៅផ្ទះវិញក្រោយ ពេលចប់ពីការងារនៅឯស្ថានីយទូរទស្សន៍ជាដើម។ តាមរយៈទង្វើដែលគេបានមើលឃើញទាំងនេះប្រភពព័ត៌មានបានព្រលយថា កញ្ញាជីជីទំនងជាបានសម្រេចចិត្តភ្ជាប់និស្ស័យស្នេហ៍ជាមួយនឹង បុរសពោះម៉ាយសក់ល្បាយអាចម៍ខ្លាដែលទើបនឹងលែងប្រពន្ធរូបនោះហើយ។
ប៉ុន្តែជាមួយនឹងការសន្និដ្ឋានរបស់ប្រភពព័ត៌មានខាងលើកាលពី ព្រឹកថ្ងៃច័ន្ទដើមសប្ដាហ៍នេះអ្នកយកព័ត៌មានកម្ពុជាថ្មីមិនអាច ស្វែងរកការបកស្រាយបំភ្លឺពីពិធីការិនីរូបស្រស់រាងតូចច្រឡឹង កញ្ញាពេជ្រសូលីកាហៅជីជីបាននោះទេ ព្រោះតាមរយៈប្រព័ន្ធលេខទូរស័ព្ទរបស់នាងនៅពេលទាក់ទងចូលហើយនោះ បែរជាគ្មានអ្នកលើកទទួលទៅវិញ៕
ប្រភពពី កម្ពុជាថ្មី
