ប៉ូលីសនៅក្នុងទីក្រុង Morgan Hill នៃរដ្ឋ California បានចាប់ខ្លួនក្មេងជំទង់ចំនួន ៣ នាក់នៅក្នុងការរំលោភ និងលួច ទៅលើស្ត្រីអាយុ ៤០ឆ្នាំម្នាក់កាលពីថ្ងៃសៅរ៍។
លោកមេបញ្ជាការ Shane Palsgrove បាននិយាយថា ហេតុការណ៍នេះបានកើតឡើងបន្ទាប់ពីស្ត្រីរងគ្រោះបានផឹកស្រាស្រវឹង នៅហាងក្នុងស្រុកមួយកន្លែង ហើយបានទូរស័ព្ទហៅតាក់ស៊ីដើម្បីដឹកនាងទៅផ្ទះ។
អ្នកបើកតាក់ស៊ីបានបើកដឹកនាងមកដល់ផ្ទះនាង ហើយពេលនោះមាន២នាក់ម្តាយ និងកូន បានជួយយកនាងចូលទៅក្នុងផ្ទះ។ លា្ងចបន្តិចក្រោយមកកូនប្រុសដែលមានអាយុ ១៦ឆ្នាំបានត្រលប់ទៅផ្ទះស្ត្រីរងគ្រោះម្តងទៀត ដោយធ្វើការចាប់រំលោភនាងតែម្តង។
លោក Palsgrove បានអោយដឹងទៀតថា បន្ទាប់មកក្មេងប្រុសនេះបានចាកចេញពីផ្ទះស្ត្រីរងគ្រោះ ហើយត្រលប់មកវិញជាមួយនឹងមិត្តស្រីអាយុ ១៥ឆ្នាំរបស់ខ្លួន និងមិត្តភ័ក្តិរបស់មិត្តស្រីខ្លួនដែលបានលួចរបស់របររបស់ស្ត្រី រងគ្រោះ។
ក្រោយមកមន្ត្រីស៊ើបអង្កេតបានរកឃើញទ្រព្យសម្បត្តិរបស់ស្ត្រីរងគ្រោះ នៅផ្ទះរបស់ក្មេងប្រុសម្នាក់ក្នុងចំណោមពួកគេទាំងបី។ ក្មេងជំទង់ទាំងបីត្រូវបានចាប់ខ្លួនដោយសង្ស័យពីបទលួច ទ្រព្យសម្បត្តិអ្នកដទៃ ការចូលរួមផ្សំគំនិត និងការរំលោភ៕
ប្រភពពី happycambodia
