ខេត្ដបាត់ដំបង ៖ អាណាព្យាបាលក្មេង ស្រី២នាក់ក្នុងចំណោម៤នាក់ក្រោយពី ទទួលដំណឹងពីប្រជាពលរដ្ឋ និងសួរកូន ស្រីបានដាក់បណ្ដឹងទៅសមត្ថកិច្ចស្រុក កំរៀងឱ្យឃាត់ខ្លួនបុរសម្នាក់ដែលបាន រំលោភ(ប្រើម្រាមដៃ)កូនស្រីរបស់គាត់ នៅក្នុងចម្ការមៀន ។ ចំណែក ក្មេងស្រីរង គ្រោះទាំង២នាក់សមត្ថកិច្ចបានយកទៅ មន្ទីរពេទ្យបង្អែកបាត់ដំបងដើម្បីធ្វើ កោសល្យវិច្ច័យ ហើយបុរសសង្ស័យត្រូវ នគរបាលការិយាល័យព្រហ្មទណ្ឌកម្រិត ធ្ងន់ កសាងសំណុំរឿងពីបទរំលោភសេព សន្ថវៈបញ្ជូនទៅតុលាការនារសៀលថ្ងៃទី ១៦ ខែកក្កដា ឆ្នាំ២០១៣ ដើម្បីចាត់ការ តាមនីតិវិធី បន្ទាប់ពីជនសង្ស័យបានធ្វើ សកម្មភាពចាប់រំលោភកាលពីវេលា ម៉ោង៣និង៣០នាទីរសៀល នៅចំណុច ចម្ការមៀនក្បែរផ្ទះ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្ដបាត់ដំបង ហើយជនសង្ស័យត្រូវនគរបាលស្រុក កំរៀងឃាត់ខ្លួនភ្លាមៗ ។លោកសេង លុច នាយរងការិយា ល័យព្រហ្មទណ្ឌកម្រិតធ្ងន់បានឱ្យដឹងថា បុរសសង្ស័យឈ្មោះហែម សុផល អាយុ ៤៩ឆ្នាំ រស់នៅក្នុងភូមិ-ឃុំកើតហេតុ ។ ចំណែកកុមារីរងគ្រោះមានម្នាក់ឈ្មោះ យ.ស.ញ. អាយុ៦ឆ្នាំ មានម្ដាយឈ្មោះ ហ.ស.ខ. អាយុ៤៩ឆ្នាំ និងម្នាក់ទៀតឈ្មោះ ថ.វ.ណ. អាយុ៩ឆ្នាំ មានម្ដាយឈ្មោះ ន.វ.ណ. អាយុ៤៦ឆ្នាំ មានទីលំនៅក្នុងភូមិ កើតហេតុជាមួយគ្នា ។ រីឯអាណាព្យាបាល ២នាក់ទៀតមិនប្ដឹងទេ ។
កុមារីរងគ្រោះទី១ឈ្មោះយ.ស.ញ. បានប្រាប់ម្ដាយនិងសមត្ថកិច្ចថា ពេល ខ្លួនកំពុងអង្គុយលេងលើដីជាមួយក្មេងស្រី ៣នាក់ទៀតមានមនុស្សចាស់ម្នាក់(តា ផល)បានហៅពួកនាងទៅជួបនៅកៀន ព្រៃរួចហើយបានចាប់ស្រាតខោអាវពួក បន្ទាប់មកយកដៃម្រាមចង្អុលស្ដាំស្ទាប អង្អែលនិងរុញចូលប្រដាប់ភេទនាងចំនួន២ដង ។
ជនរងគ្រោះទី២ឈ្មោះថ.វ.ណ. បាន ប្រាប់ម្ដាយនិងសមត្ថកិច្ចថា កាលពី រសៀលថ្ងៃទី១៤ ខែកក្កដា ឆ្នាំ២០១៣ មានមនុស្សចាស់ម្នាក់(តាផល)បាន ហៅពួកខ្លួនក្មេងៗទៅលេងនៅដុបព្រៃ ពេលទៅដល់តាផល(ជនសង្ស័យ)បាន ឱ្យពួកខ្លួនដេកម្នាក់ម្ដងរួចចាប់សម្រាត ខោអាវ ។ បន្ទាប់ពីស្រាតខោអាវហើយ តាផលបានឡើងពោបពីលើខ្លួនរំលោភ សេពសន្ថវៈម្នាក់ម្ដងដោយហាមមិនឱ្យ និយាយប្រាប់អ្នកណាឡើយ ហើយពេល រំលោភរួចខ្លួនពិតជាមានការឈឺចាប់ ត្រង់ផ្លូវភេទខ្លាំងណាស់ ។
ឈ្មោះហ.ស.ខ. និងឈ្មោះន.វ.ណ. ត្រូវជាម្ដាយក្មេងស្រីរងគ្រោះទាំង២បាន ឱ្យដឹងថា កាលពីម៉ោង៣រសៀលថ្ងៃទី១៤ ខែកក្កដា ឆ្នាំ២០១៣ ពួកគាត់នៅផ្ទះបាន ឮអ្នកកភូមិស្រែកថា មានគេចាប់រំលោភ កូននៅចម្ការមៀន ហើយក៏នាំគ្នាទៅ មើលនិងសាកសួរកូនស្រីទើបធ្លាយរឿង ឈ្មោះហែម សុផល ចាប់រំលោភកូនស្រី ហើយទៅប្ដឹងនគរបាលតែម្ដង ។
ជនសង្ស័យឈ្មោះហែម សុផល បាន បដិសេធថា កាលពីម៉ោង៣រសៀលថ្ងៃ ទី១៤ ខែកក្កដា ឆ្នាំ២០១៣ ខ្លួនបានអង្គុយ មើលមែកដើមមៀន ពេលនោះក្មេងស្រី ឈ្មោះយ.ស.ញ. និងក្មេងស្រី៣នាក់ទៀត បានមកអង្គុយលើភ្លៅរបស់ខ្លួន(ហែម សុផល)ម្នាក់ម្ដងហើយក្មេងស្រីទាំងនោះ បានស្រែកប្រលែងគ្នាធ្លាក់ពីលើភ្លៅខ្លួន ប៉ុណ្ណោះ ។ ក្រោយមកគាត់ក៏ចាប់ពួកនាង ដាក់អង្គុយលើភ្លៅវិញដោយការចាប់ លើកពួកនាងចំត្រង់ប្រដាប់ភេទក្មេងស្រី ពីលើខោទាំង៤នាក់ហើយក៏គ្មានគោល បំណងចាប់រំលោភសេពសន្ថវៈទៅលើ ក្មេងស្រីទាំងនោះដែរ ។
លោកសេង លុច នាយរងការិយា ល័យព្រហ្មទណ្ឌកម្រិតធ្ងន់បានបញ្ជាក់ថា ទោះជាការប្រើម្រាមដៃរុញចូលប្រដាប់ ភេទក៏ចាត់ទុកជាការរំលោភហើយក្មេង ស្រីរងគ្រោះទាំង២នាក់កំពុងស្នើសុំឱ្យខាង មន្ទីរពេទ្យបង្អែកបាត់ដំបងជួយធ្វើកោសល្យ វិច័យ ។ ចំណែកបុរសសង្ស័យនគរបាល ការិយាល័យព្រហ្មទណ្ឌកម្រិតធ្ងន់បាន កសាងសំណុំរឿងពីបទរំលោភសេពសន្ថវៈ បញ្ជូនទៅតុលាការនារសៀលថ្ងៃទី១៦ ខែកក្កដា ឆ្នាំ២០១៣ ដើម្បីចាត់ការ តាមនីតិវិធី ៕
- ប្រភពពីនគរវត្ត
