ឧប្បត្ដិហេតុនេះកើតឡើងនៅវេលា ម៉ោង៩និង៣០នាទីព្រឹកថ្ងៃទី២០ ខែកក្កដា ឆ្នាំ២០១៣ នៅតាមបណ្ដោយមហាវិថី ព្រះមុនីវង្ស សង្កាត់ចតុមុខ ខណ្ឌដូនពេញ។
ប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុបុរស វ័យជាង៤០ឆ្នាំម្នាក់ដែលគេមិនស្គាល់ ឈ្មោះ បានជិះរថយន្ដម៉ាកនីស្សាន់ ពណ៌ ខ្មៅមួយគ្រឿង ពាក់ស្លាកលេខភ្នំពេញ 2U-6139 តាមបណ្ដោយមហាវិថីព្រះ មុនីវង្សពីត្បូងទៅជើងក្នុងគោលបំណង យកកូនទៅកាន់មន្ទីរពេទ្យ ។ ខណៈបើក បរមកដល់ចំណុចកើតហេតុស្រាប់តែ កូនដែលជិះក្នុងរថយន្ដមានអាការក្អួត ចង្អោរក៏ឱនយកស្បោងពីក្នុងកេះរថយន្ដ ឱ្យកូនក្អួតដាក់ ពេលនោះបានជ្រុលចង្កូត ទៅខាងឆ្វេងដៃបុករនាំងដែកចែកទ្រូង ផ្លូវបាក់អស់៧ផ្ទាំងតែម្ដង ។
ក្នុងឧប្បត្ដិហេតុនេះដែររថយន្ដ និង បង្គោលដែកបានដួលទៅលើរថយន្ដ វីហ្គោមួយគ្រឿង និងរ៉ឺម៉កម៉ូតូកង់បីមួយ គ្រឿងដែលចតចាំភ្លើងស្ដុប បណ្ដាលឱ្យ រថយន្ដវីហ្គោរលាត់ថ្នាំ និងក្រពិតផ្នែក ខាងមុខមួយចំហៀង ឯរ៉ឺម៉កម៉ូតូកង់បី បាក់កង់ម្ខាង ។
បន្ទាប់ពីកើតហេតុនេះភ្លាមទើបនគរ បាលចរាចរដែលឈរនៅគោលដៅភ្លើង ស្ដុបអតីតពេទ្យចិនចុះទៅដល់ធ្វើការ វាស់វែង អូសយករថយន្ដបង្ក រថយន្ដ រងគ្រោះ និងម៉ូតូរ៉ឺម៉កកង់បីទៅរក្សាទុក ដើម្បីឱ្យម្ចាស់រថយន្ដនីស្សាន់ទទួលខុស ត្រូវផ្ដល់សំណងការខូចខាតរនាំងចែក ទ្រូងផ្លូវជាសម្បត្ដិសាធារណៈដល់សាលារាជធានីភ្នំពេញ និងជនរងគ្រោះជាម្ចាស់រថយន្ដវីហ្គោ ព្រមទាំងម្ចាស់រ៉ឺម៉កម៉ូតូកង់បី ៕
_________________________
ប្រភពព័ត៌មានពី៖ នគវត្ត
