ក្នុងរយៈពេលចុងក្រោយនេះក្រុម Hacker មួយឈ្មោះ Young Cambodian Hackerបានធ្វើសកម្មភាពយ៉ាងមមាញឹកក្នុងការអុកឡុកទៅគេហទំព័រនៅស្រុក ខ្មែរមួយចំនួន ធ្វើឲ្យផ្អាកដំណើរការ និងបាត់បង់នូវទិន្នន័យគេហទំព័រទាំងនោះ។
ព័ស្តុតាងបានបង្ហាញថា គេហទំព័រឈ្មោះ www.isophal.com ត្រូវបានក្រុម Hacker អុកឡុកនៅថ្ងៃទី ១៦ ខែមិថុនា ឆ្នាំ២០១៣ ថ្មីៗនេះ ធ្វើឲ្យបាត់បង់ទិន្នន័យឯកសារទាំងមូល។ ដោយឡែកគេទំព័រឈ្មោះ www.mytv.com.kh និង ឈ្មោះ www.cnc.com.kh ដែលគេស្គាល់ថា ជាគេហទំព័ររបស់ក្រុមហ៊ុនទូរទស្សន៍លោកឧកញ្ញ៉ាគិត ម៉េង ក៏ត្រូវបានក្រុម Hacker អុកឡុកធ្វើឲ្យគាំងដំណើរការអស់រយៈពេលមួយព្រឹក នាថ្ងៃទី ១៨ ខែមិថុនា ឆ្នាំ២០១៣ នេះ។ ទាំងនេះគឺជាសញ្ញាមួយដែលតម្រូវឲ្យអ្នកបច្ចេកទេសគេហទំព័រទាំងឡាយ នៅកម្ពុជា ធ្វើការប្រុងប្រយ័ត្ននូវប្រព័ន្ធសុវត្ថិភាព (Security) ឲ្យបានខ្ពស់បំផុត ដើម្បីការពារទៅនឹងការបំផ្លាញអុកឡុកពីសំណាក់ក្រុម Hacker ទាំងនោះ។
អ្នកជំនាញផ្នែកបច្ចេកទេសគេហទំព័របានឲ្យដឹងថា ការបង្កើតគេហទំព័រត្រូវតែពង្រឹងនូវប្រព័ន្ធសុវត្ថិភាពឲ្យបានខ្ពស់ និងធ្វើការ Backup ជាប្រចាំ ទើបអាចការពារទិន្នន័យឯកសារក្នុងគេហទំព័រនីមួយៗ ជៀសវាងរងការវាយប្រហារដោយចៃដន្យពីសំណាក់ក្រុម Hacker ។
អ្នកជំនាញបានបន្តទៀតថា តាមការសង្កេតកន្លងមកគេហទំព័រដែលប្រើប្រព័ន្ធ CMS ដូចជា WordPress, Joomla និង Drupal ជារឿយៗបានផ្តល់នូវប្រព័ន្ធសុវត្ថិភាពខ្ពស់ដោយប្រព័ន្ធនោះធ្វើ ទំនើបកម្មក្នុងកម្រិតខ្ពស់(Update Version) ដែលអាចធ្វើឲ្យក្រុម Hacker ពិបាកក្នុងការអុកឡុក៕
Screen ដែលក្រុម Hacker បានប្លុកគេហទំព័រ MyTV និង CNC
គេហទំព័រឈ្មោះ iSophal.com ដែលត្រូវបានក្រុម Hacker បំផ្លាញទិន្នន័យទាំងស្រុង
ប្រភពពី ដើមត្នោត
